मंडणगड (प्रतिनिधी)- येथील सावित्रीबाई फुले शिक्षण प्रसारक मंडळाच्या लोकनेते गोपीनाथजी मुंडे कला, वाणिज्य व विज्ञान महाविद्यालयास नुकतीच उच्च शिक्षण विभागाच्या पनवेल कार्यालयाचे सहसंचालक डॉ. विजय नारखेडे यांनी नुकतीच सदिच्छा भेट दिली. यावेळी शिक्षक-शिक्षकेतर कर्मचारी उपस्थित होते.
यावेळी महाविद्यालयाचे उपप्रचार्य डॉ. वाल्मिक परहर यांनी मा. सहसंचालक डॉ.विजय नारखेडे यांचे शाल व पुष्पगुच्छ देऊन स्वागत केले. तत्पूर्वी डॉ. रामदास देवरे यांनी संस्था व महाविद्यालयाच्या वाटचालीचा थोडक्यात परिचय करून दिला.
याप्रसंगी बोलताना मा.सहसंचालक डॉ. विजय नारखेडे म्हणाले की, आपल्या महाविद्यालयास भेट देण्याची संधी मला मिळाली. ग्रामीण व डोंगरी भागातील महाविद्यालयास अनेक अडचणी असतानाही या अडचणीवर मात करुन संस्था व महाविद्यालयाने केलेला विकास कौतुकास्पद आहे. तसेच चालू वर्षापासून नवीन शैक्षणिक धोरण अंमलात आले असून त्यापध्दतीने शैक्षणिक पाऊल उचलणे आवश्यक आहे. संस्थेने व महाविद्यालयाने अशीच उत्तरोत्तर शैक्षणिक प्रगती करावी आशी अपेक्षा व्यक्त करतो.
यावेळी त्यांनी महाविद्यालयाची प्रगती पाहून समाधान व्यक्त केले. शेवटी प्रा. शरिफ काझी यांनी उपस्थितांचे आभार मानले.
फोटो ओळी:- महाविद्यालय भेटीप्रसंगी मा.सहसंचालक डॉ. विजय नारखेडे यांचे समवेत
उपप्राचार्य डॉ. वाल्मिक परहर यांचेसह शिक्षक-शिक्षकेतर कर्मचारी
