संगमेश्वर:-दिनेश अंब्रे
संगमेश्वर पोलीस ठाणे येथे स्थानापन्न केला गेलेल्या गणरायाच्या भक्तिमय वातावरणात अनेक भजने जाखडी संगीतमय कार्यक्रम संपन्न झाले.
संगमेश्वर पोलीस ठाण्याचे पोलीस निरीक्षक सुरेश गावित यांच्या मार्गदर्शना खाली तसेच उपनिरीक्षक शंकर नागरगोजे व पोलिस अंमलदार स्टाफ कर्मचारी आदींनी गणरायाची पूजा आरती व मंगलमय भजने यांचा मुलांनी व सर्वांनी आनंद घेतला.
अनेक मान्यवरांनी व पत्रकारांनी या ठिकाणी येऊन गणरायाचे दर्शन घेतले.
वांद्री येथील ढोल पथक व बेंजो च्या संगीतमय मधुर स्वरात ढोल ताशांच्या गजरात जड अंतकरणाने पोलीस बंधू-भगिनींनी वाजत गाजत व नाचत पागआळी येथील गद्रे यांच्या वखारी जवळ असलेल्या शास्त्री नदीच्या घाटावर आरती सह उपस्थित आणि दर्शन घेऊन गणरायाचे विसर्जन करून गणपती बाप्पा मोरया पुढच्या वर्षी लवकर या असा गजर व जयजयकार करीत अश्रू डोळ्यात आणून निरोप घेतला.
