कल्याण : कल्याण-मुरबाड राष्ट्रीय महामार्गाच्या कामात रायते पुलाजवळून अंबरनाथकडे जाणाऱ्या वाहनांसाठीचा रस्ता बंद करण्याच्या `एनएएचआय’च्या निर्णयामुळे होणारी हजारो प्रवाशांची गैरसोय अखेर टळली आहे. माजी केंद्रीय राज्यमंत्री कपिल पाटील यांच्या मागणीनंतर रायते पुलाजवळून हलक्या वाहनांसाठी स्वतंत्र रस्ता तयार करण्यास राष्ट्रीय महामार्ग प्राधिकरणाने (एनएएचआय) मंजुरी दिली आहे.
रायते ते अंबरनाथ दरम्यानच्या रस्त्यावर आणे, भिसोळ, नालिंबी, वसत, जांभूळ गावे आहेत. कल्याणहून अंबरनाथकडे जाणाऱ्या या पर्यायी मार्गावर मोठी वाहतूक सुरू असते. मात्र, सध्याचा रस्ता बंद करून `एनएचआय’ने त्याऐवजी रायते येथील नवा पुल ओलांडून वळण घेऊन पुन्हा जुन्या पुलावरुन अंबरनाथकडे जाण्यासाठी पर्याय ठेवला होता. त्याला नागरिकांचा विरोध होता. सध्या मुसळधार पावसात जुन्या पुलावरुन पाणी वाहून जाते. त्यामुळे पावसाळ्यात नागरिकांचा संपर्क तुटणार होता. तर भविष्यात जुन्या पुलाची दुरुस्तीकडे दुर्लक्ष होण्याची भीती नागरिकांकडून व्यक्त होत होती. याबाबत त्यांनी माजी केंद्रीय राज्यमंत्री कपिल पाटील यांच्याकडे तक्रार केली होती.
या पार्श्वभूमीवर कपिल पाटील यांनी `एनएएचआय’च्या अधीक्षक अभियंता तृप्ती नाग व कंत्राटदाराच्या प्रतिनिधींसमवेत आज प्रत्यक्ष जागेवर जाऊन पाहणी केली. रस्ते व पुलाचा मंजूर आराखडा आणि नागरिकांची मते घेऊन, रायते-पांजरापोळ येथून अंबरनाथकडे जाणाऱ्या छोट्या वाहनांसाठी स्वतंत्र रस्ता तयार करण्याची आग्रही मागणी केली. ती अधिकाऱ्यांकडून मंजूर करण्यात आल्यामुळे हजारो नागरिकांना दिलासा मिळणार आहे.
या वेळी भाजपाचे माजी जिल्हाध्यक्ष मधुकर मोहपे, चंदू बोस्टे यांच्यासह मोठ्या संख्येने नागरिक उपस्थित होते.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी https://chat.whatsapp.com/Fz2GJdNzxjp7ru6fTzARHp?mode=ems_copy_t कम्युनिटी लिंक मध्ये सामील व्हा
आपल्याला प्रतिनिधी बनायचे असल्यास , बातम्या पाठवायच्या असल्यास किंवा आपल्यावर अन्याय होत असल्यास आम्ही आपल्या पाठीशी उभे राहू आम्हाला 8928622416 मोबाईल नंबर वर कॉन्टॅक्ट करा व माहिती द्या..
“जनशक्तीचा दबाव न्यूज”च्या बातम्या मिळविण्यासाठी 7400104268 आणि 8928622416 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी janshakticha dabav वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट janshaktichadabav.com वर नक्कीच व्हिजिट करा…
