सिंधुदुर्ग जिल्ह्यात कुडाळ-नेरुरपार येथून भरधाव येणाऱ्या डंपरने पाच महिलांना उडवले, एका महिलेचा मृत्यू
सिंधुदुर्ग जिल्ह्यात कुडाळ-नेरुरपार येथून भरधाव येणाऱ्या डंपरने
शेतीचे काम आटोपून रस्त्यावरून घरी परतणाऱ्या पाच महिलांना जोरदार धडक दिली. यात एका वृद्ध महिलेचा जागीच मृत्यू झाला तर इतर चार महिला गंभीर जखमी झाल्या.पांडुरंग काळसेकर (वय-६५) असे मृत्यू झालेल्या वृद्ध महिलेचे नाव आहे. ही घटना गुरुवारी (दि.९) सायंकाळी घडली. रुक्मिणी विठोबा काळसेकर (५५), प्रज्ञा दीपक काळसेकर(३५), अनिता चंद्रकांत काळसेकर (वय), प्रमिला सुभाष काळसेकर (४०) असे जखमी झालेल्या महिलांचे नाव आहे.
याबाबत अधिकची माहिती अशी की, काळसे नगर येथील ५ महिला शेतीचे काम आटपून घरी परतत होत्या. दरम्यान, हुबळी माळ येथील मुख्य रस्त्यावर कुडाळ-नेरुरपार येथून भरधाव येणाऱ्या डंपरने मागून येत महिलांना जोरदार धडक दिली. ही धडक एवढी जोरदार होती की, यामध्ये रुक्मिणी काळसेकर या वृद्ध महिलेचा जागीच मृत्यू झाला. तर अन्य चार महिला रस्त्यालगत फेकल्या गेल्या. अपघातानंतर स्थानिकांनी घटनास्थळी धाव घेत जखमींना उपचारासाठी रुग्णवाहिकेतून जिल्हा रुग्णालयात हलविले. गंभीर जखमी झालेल्या चार महिलांपैकी दोघांची प्रकृती चिंताजनक आहे
जाहिरात :
