🔴 मुंबई व नागपुरात १५ ठिकाणी ईडीची छापेमारी, कोट्यवधीची रोकड व सोन्याचे दागिने जप्त

Spread the love

🟥 सक्तवसुली संचलनालयाने (ईडी) मुंबई आणि नागपूरमधील १५ ठिकाणांवर छापेमारी केली आहे. या कारवाईत ईडीने कोट्यवधी रुपयांची रोकड व सोन्याचे दागिने जप्त करण्यात आले आहेत.

पंकज मेहाडिया गुंतवणूक प्रकरणी ईडीने ही कारवाई केली आहे. या कारवाईमुळे मुंबई व नागपूरमध्ये एकच खळबळ उडाली आहे. ईडीने पंकज मेहाडिया, लोकेश आणि कार्तिक जैन यांच्या गुंतवणूक प्रकरणी मुंबई, नागपूरमधील १५ ठिकाणांवर धाडी टाकल्या. या धाडीत ५.५१ कोटी रूपयांचं दागिने आणि १.२१ कोटींची रोकड जप्त करण्यात आली आहे. या छापेमारीत अनेक महत्वाची कागदपत्रेही ईडीने जप्त केली आहेत.

पंकज मेहाडियाने १२ टक्के व्याजाचे आमिष दाखवून अनेक गुंतवणूकदरांची फसवणूक केली आहे. याप्रकरणी पंकजसह त्याची वृद्ध आई प्रेमलता नंदलाल मेहाडिया, लोकेश आणि कार्तिक जैन, बालमुकुंद लालचंद केयाल यांच्याविरोधात यापूर्वी गुन्हा दाखल केला आहे. अशातच आता पंकज मेहाडिया आणि त्याच्याशी संबंधित सुमारे १५ ठिकाणांवर ईडीने छापेमारी केली आहे. या छापेमारीत आता मोठं घबाड हाती लागलं आहे.