गुहागर :- तालुक्यातील तळवली देऊळवाडी येथील सखाराम डाकवे यांच्या घराजवळील नारळाच्या झाडावर वीज पडून नारळाच्या झाडाने पेट घेतला. या विजेच्या धक्क्याने डाकवे यांच्या घरातील विद्युत वाहिन्या जळून खाक झाल्या.सुदैवाने कोणतीही जीवितहानी झाली नाही.
गुहागर तालुक्यातील तळवली येथे शुक्रवारी अचानक पावसाने हजेरी लावली . सुरुवातीला रिमझिम पडणाऱ्या पावसाने अचानकपणे मुसळधार कोसळण्यास सुरुवात केली.ढगांच्या गडगडाटसह कोसळणाऱ्या पावसाने अचानक विजांच्या कडकडाटासह कोसळून एकच घबराट निर्माण केली.यामध्ये तळवली देऊळवाडी येथील सखाराम डाकवे यांच्या घरी विद्युत वहिनी जळून मोठे नुकसान झाले आहे.तर नारळाच्या झाडाने पेट घेतला. सुदैवाने यामध्ये कोणतीही जीवितहानी झाली नाही.
