व्हिडिओ व्हायरल…
मुंबई ,22 सप्टेंबर- महाराष्ट्रासह संपूर्ण देशभरात गणेशोत्सवाचा उत्साह आणि जल्लोष पाहायला मिळत आहे. अनेक भाविकांनी मुंबईतील गणपती बाप्पांचं दर्शन घेण्यास सुरुवात केली आहे. मुंबईतील प्रसिद्ध लालबागच्या राजाचं दर्शन घेण्यासाठी देशभरातील भाविकांनी गर्दी केली. परंतु आता लालबागच्या राजाच्या दरबारात भाविक आणि कार्यकर्त्यांमध्ये तुफान हाणामारी झाल्याचा एक व्हिडिओ सोशल मीडियावर व्हायरल झाला आहे.
नवसाला पावणारा अशी ख्याती असलेल्या बाप्पांच्या दरबारात आरती करण्यासाठी लोक मोठ्या प्रमाणात गर्दी करत आहे. त्यातच आता दरबारात काही लोकांमध्ये तुफान राडा झाल्याची माहिती समोर आली आहे.
मिळालेल्या माहितीनुसार, लालबागच्या राजाच्या दरबारात दर्शनासाठी मोठी गर्दी झाली. त्यावेळी भाविकांना पांगवत असताना मंडळाचे पदाधिकारी आणि भाविकांमध्ये प्रचंड हाणामारी झाली आहे. मंडळाच्या पदाधिकाऱ्यांकडून काही भाविकांना मारहाण करण्यात आली आहे. या घटनेत काही लोकांना मार लागला असून त्यांना उपचारासाठी रुग्णालयात दाखल करण्यात आलं आहे. या घटनेचा व्हिडिओ सोशल मीडियावर व्हायरल झाला आहे.
