रत्नागिरी: रत्नागिरी येथील शासकीय उच्च व तंत्रशिक्षण विभागाच्या कौशल्य विकास वास्तूच्या लोकार्पण कार्यक्रमासाठी आलेल्या मुख्यमंत्री एकनाथ शिंदे यांच्या समवेत सेल्फी घेण्यासाठी विद्यार्थ्यांची एकच झुंबड उडाली. मुख्यमंत्री शिंदे यांनीही कोणतेही सुरक्षा कारण न सांगता विद्यार्थ्यांसमवेत सेल्फी काढले. त्यामुळे उपस्थित विद्यार्थ्यांमध्ये मोठा उत्साह दिसून आला.
मुख्यमंत्र्यांच्या प्रती असलेले आकर्षण विद्यार्थ्यांमधे दिसून आले.
हाच प्रकार लोकमान्य टिळक स्मारक विभागीय शासकीय ग्रंथालयातही दिसून आला. या ठिकाणी मुख्यमंत्र्यांनी विद्यार्थिनींच्या आग्रहाखातर सेल्फी काढू दिला. विद्यार्थ्यांशी गप्पा केल्या. त्यामुळे उपस्थित विद्यार्थी आनंदात होते.
