मुंबईतील रस्ते कामांबाबत विधानभवनात हायव्होल्टेज बैठक पार पडली. या बैठकीत आदित्य ठाकरे आणि एकनाथ शिंदे आमने-सामने आले होते.
हाय व्होल्टेज बैठकीत आदित्य ठाकरे अन् एकनाथ शिंदे आले आमने सामने, अध्यक्षासंमोर म्हणाले ‘आधी यांच्या…’
मुंबई प्रतिनिधी- मुंबईतील रस्ते कामांच्या निकृष्ठतेवर विधानसभेत विरोधकांसह सत्ताधारी आमदारांनी प्रश्न उपस्थित केल्यानंतर आज विधानभवनात हायव्होल्टेज बैठक पार पडली. या बैठकीत आदित्य ठाकरे आणि उपमुख्यमंत्री एकनाथ शिंदे आमने-सामने आले होते. या बैठकीत आमदारांनी रस्त्यांच्या कामांच्या दर्जाबाबत तक्रारींचा पाढा वाचला. दुसरीकडे मुंबईतील रस्त्यांच्या क्राॉक्रीटीकरणाच्या कामांबाबत आर्थिक गुन्हे शाखेकडून चौकशी व्हावी अशी आदित्य ठाकरेंनी एकनाथ शिंदे यांच्या समक्ष विधानसभा अध्यक्षांकडे मागणी केली.
मुंबई रस्ते कामाच्या बैठकीत आदित्य ठाकरे- शिंदे समोरासमोर आले होते. बैठकीतील काही व्हिडीओ समोर आले आहेत. एका व्हिडीओत एकनाथ शिंदे येताच सर्व आमदार उभे राहिल्याचं दिसत आहे. मात्र आदित्य ठाकरे हे खाली बसूनच राहिले.
बैठकीत काय झालं?-
बैठकीत आदित्य ठाकरे यांनी मुंबईतील रस्त्यांच्या काँक्रीटीकरणाच्या कामांबाबत आर्थिक गुन्हे शाखेकडून चौकशी व्हावी अशी विधानसभा अध्यक्षांकडे मागणी केली. यावेळी एकनाथ शिंदे त्यांच्या समोरच बसले होते. मुख्यमंत्र्यांकडेही रस्ते कामांबाबत चौकशीची मागणी करणार असल्याचं आदित्य ठाकरेंनी यावेळी सांगितलं.
एकनाथ शिंदेंनी रस्ते कामांच्या आढावा घेणारा रिपोर्ट सादर केला. टप्पा 1 मध्ये 23 टक्के काम झाले तर टप्पा 2 मध्ये 0.5 टक्के काम झाल्याची माहिती यावेळी देण्यात आली.
रस्त्यांच्या कामांचा दर्जा;
मुदतीत काम पूर्ण होणार का?; समन्वयातील अडथळे यावर आमदारांनी लक्ष वेधलं. आशिष शेलार यांनीही आपल्या मतदारसंघातील रस्ते कामाबाबत असणा-या समस्या मांडल्या.
31 मेपर्यंत मुंबईतील सुरु असलेली सर्व कामे पूर्ण करण्याचे आदेश यापूर्वीच मुंबई महापालिका आयुक्तांनी दिले आहेत. 15 मीटरपेक्षा कमी असणारे, लहान रस्ते सिमेंट काँक्रीटीकरण न करता अस्फॉल्टमध्ये त्यांची कामे करावीत अशी सूचनाही आमदारांनी केली. सदर विषयावर पुन्हा एकदा बैठक घेतली जाणार आहे. एका महिन्याने 25 एप्रिलला ही बैठक पार पडणार आहे.
