राजापूर- राजापूर वरची पेठ येथील अमृत अनंत तांबडे यांना त्यांच्या उल्लेखनीय संशोधनात्मक कार्याबद्दल ‘राष्ट्र निर्माण उद्योजक सन्मान २०२६’ प्रदान करण्यात आला. हा सन्मान १६ फेब्रुवारी २०२६ रोजी पुणे येथील भोसरी परिसरात आयोजित समारंभात बॉलिवूड अभिनेत्री स्नेहा उल्लाल यांच्या हस्ते प्रदान करण्यात आला.
अमृत तांबडे यांनी ‘अमृत गेमस्टोन रिसर्च प्रोजेक्ट’च्या माध्यमातून रत्न व उपरत्नांच्या क्षेत्रात महत्त्वपूर्ण संशोधन केले आहे. त्यांच्या कल्पकतेमुळे आणि सखोल अभ्यासामुळे भारतात काही नवीन उपरत्ने शोधून काढत ती अल्प किमतीत बाजारपेठेत उपलब्ध करून देण्यात त्यांना यश आले. आज ही उपरत्ने हातातील ब्रेसलेट स्टोनच्या स्वरूपात देशभर वापरली जात असून, सामान्य ग्राहकांपर्यंत रत्नांचा लाभ पोहोचला आहे.
आतापर्यंत सुमारे १८ हजारांहून अधिक उपरत्ने शोधून त्यांचे महत्त्व स्पष्ट करत भारतीय बाजारपेठेत उपलब्ध करून देण्याचे मोठे कार्य त्यांनी केले आहे. रत्नशास्त्र आणि संशोधन क्षेत्रातील त्यांच्या योगदानामुळे देशातील रत्न विक्रेते, कारागीर यांना मोठ्या प्रमाणात रोजगार मिळाला असून ज्योतिषीही आता उपरत्नांचे ब्रेसलेट सुचवत आहेत.
रत्न संशोधनातील ही वाटचाल अद्याप सुरूच असून, या संपूर्ण कार्याचे श्रेय अमृत तांबडे यांनाच दिले जात आहे. त्यांच्या कामगिरीमुळे व्यापारी आणि कारखानदार वर्गात समाधान व्यक्त केले जात असून, राजापूरच्या नावाला राष्ट्रीय पातळीवर ओळख मिळाली आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
