अजित पवार यांच्या अंत्यविधीला सुरुवात:दादांना निरोप देण्यासाठी अमित शहा, CM फडणवीसांसह अख्खे मंत्रिमंडळ दाखल…
बारामती/मुंबई/नवी दिल्ली- उपमुख्यमंत्री अजित पवार यांच्यावर विद्या प्रतिष्ठानच्या प्रांगणात अंत्यविधींना सुरुवात झाली आहे. अजित पवार यांच्या पत्नी सुनेत्रा पवार, दोन्ही मुले पार्थ आणि जय, काका शरद पवार आणि त्यांची मुलगी सुप्रिया सुळे विद्या प्रतिष्ठानमध्ये उपस्थित आहेत.
अजितदादांना निरोप देण्यासाठी केंद्रीय गृहमंत्री अमित शहा, भाजप अध्यक्ष नितीन नवीन, यांच्यासह मुख्यमंत्री देवेंद्र फडणवीस आणि संपूर्ण मंत्रिमंडळ उपस्थित आहे.
तत्पूर्वी अजित पवारांच्या अंत्ययात्रेत सहभागी होण्यासाठी हजारो लोक दाखल झाले. बारामतीला जोडणाऱ्या रस्त्यांवर अनेक ठिकाणी वाहतूक कोंडी झाली आहे. अजित पवारांचे शेवटचे दर्शन घेण्यासाठी त्यांचे समर्थक पायी, मोटारसायकल आणि ट्रॅक्टरने येत आहेत.
तत्पूर्वी, अजित पवार यांचे पार्थिव बारामती येथील त्यांच्या काटेवाडी येथील निवासस्थानी आणण्यात आले. अजित पवार यांच्या पार्थिवावर लवकरच विद्या प्रतिष्ठानच्या मैदानावर अंत्यसंस्कार केले जातील. संपूर्ण महाराष्ट्र सरकारचे मंत्रिमंडळ उपस्थित राहणार आहे.केंद्रीय गृहमंत्री अमित शहा देखील बारामतीत येणार आहेत.
बारामती येथे बुधवारी सकाळी 8.46 वाजता झालेल्या भीषण विमान अपघातात उपमुख्यमंत्री अजित पवार (66 वर्षे 6 महिने 6 दिवस) यांचे निधन झाले. त्यांच्यासोबत वैमानिक सुमीत कपूर, सहवैमानिक शांभवी पाठक, अंगरक्षक विदीप जाधव आणि फ्लाइट अटेंडंट पिंकी यादव होते. त्यातील एकही जण वाचू शकला नाही.
अजित पवार पंचत्वात विलीन, पार्थ पवार-जय पवारांनी दिला मुखाग्नी
अजित पवारांना पोलिस बँडने दिली सलामी
गोव्याचे मुख्यमंत्री प्रमोद सावंत यांनी उपमुख्यमंत्री अजित पवार यांना श्रद्धांजली वाहिली..
केंद्रीय मंत्री नितीन गडकरी यांनी अजित पवार यांना श्रद्धांजली वाहिली
*मुख्यमंत्री देवेंद्र फडणवीस यांनी अजित पवार यांना पुष्पचक्र अर्पण करून श्रद्धांजली वाहिली…*
भाजपचे राष्ट्रीय अध्यक्ष नितीन नवीन यांनी अजित पवार यांना पुष्पचक्र अर्पण करून श्रद्धांजली वाहिली
केंद्रीय गृहमंत्री अमित शाह यांनी अजित पवार यांना श्रद्धांजली वाहिली
विद्या प्रतिष्ठानच्या मैदानातील ड्रोन दृश्ये…
उपमुख्यमंत्री अजित पवार यांच्या अंत्यसंस्कारासाठी मोठा जनसागर उसळला आहे. विद्या प्रतिष्ठानच्या प्रांगणावरील ड्रोन दृश्ये
अजित पवारांच्या पत्नी सुनेत्रा पवार यांनी पतीला श्रद्धांजली वाहिली..
अजित पवारांच्या अंत्यविधींना सुरुवात
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
