मुंबई- उपमुख्यमंत्री अजित पवारांच्या निधनानंतर त्यांची जागा आता सुनेत्रा पवार घेतील, हे स्पष्ट झाले आहे. राष्ट्रवादी काँग्रेसने आपल्या आमदारांची आज दुपारी दोन वाजता बैठक बोलावली आहे. या बैठकीत राष्ट्रीय अध्यक्ष आणि उपमुख्यमंत्री म्हणून सुनेत्रा पवार यांच्या नावावर औपचारिक शिक्कामोर्तब होण्याची शक्यता आहे. त्यानंतर सायंकाळी सुनेत्रा पवार यांचा शपथविधी होईल, असे संकेत छगन भुजबळ यांनी आज दिलेत. जाणून घ्या राष्ट्रवादी काँग्रेसमध्ये सुरू असलेली प्रत्येक घडामोड…
संजय निरुपम म्हणाले – NCP च्या निर्णयांचा आदर केला पाहिज…
अजित पवार 6 वेळा उपमुख्यमंत्री होते…
*गटनेतेपदी सुनेत्रा पवार यांची निवड…*
राष्ट्रवादी काँग्रेसच्या गटनेतेपदी अखेर सुनेत्रा पवार यांची निवड झाली आहे. दुपारी दोन वाजता यासाठीची बैठक सुरू झाली. सुनेत्रा पवार यांच्या निवडीचा प्रस्ताव दिलीप वळसे-पाटील यांनी मांडला होता.
*विधिमंडळ बैठकीत शोकप्रस्ताव मांडला…*
सुनेत्रा पवार यांच्या शपथविधीची तयारी…
विधानसभवनात सुनेत्रा पवार यांच्या उपमुख्यंत्री पदाच्या शपथविधीची तयारी सुरू झाली आहे.
दिलीप वळसे पाटील यांनी मांडला प्रस्ताव
राष्ट्रवादी काँग्रेसच्या आमदारांची बैठक सुरू झाली आहे. दिलीप वळसे-पाटील यांनी गटनेतेपदासाठी सुनेत्रा पवार यांच्या नावाचा प्रस्ताव मांडला आहे.
*सुनेत्रा पवार विधान भवनात दाखल…*
राष्ट्रवादीचे आमदार विधान भवनात
राष्ट्रवादी काँग्रेसचे आमदार विधान भवनात पोहोचले असून सुनेत्रा पवार या देवगिरी बंगल्यावरून विधान भवनाकडे निघाल्या आहेत. सर्व आमदार विधान भवनाच्या पायऱ्यांवर सुनेत्रा पवारांची प्रतीक्षा करत आहेत.
*वळसे-पाटील मांडणार प्रस्ताव…*
राष्ट्रवादी काँग्रेसचा गटनेता म्हणून थोड्याच वेळात सुनेत्रा पवार यांची निवड होणार आहे. त्यांच्या नावाचा प्रस्ताव दिलीप वळसे-पाटील मांडणार असून, छगन भुजबळ त्यांना अनुमोदन देतील. त्यानंतर एकमताने ही निवड होईल, असे समोर आले आहे.
*सुनेत्रा पवार-आशिष शेलारांची भेट..*
भाजप नेते आशिष शेलार यांनी थोड्या वेळापूर्वी देवगिरी बंगल्यावर सुनेत्रा पवार यांची भेट घेतली. मात्र, या बैठकीनंतर त्यांनी प्रसारमाध्यमांशी कसलाही संवाद साधला नाही. त्यामुळे ही बैठक नेमकी कशाबद्दल झाली, हे समजू शकले नाही.
*पार्थ पवार यांनी केली शरद पवारांची मनधरणी…*
पार्थ पवार गोविंद बागेतून निघाले आहेत. त्यांनी येथे शरद पवारांची भेट घेतली. यावेळी सुप्रिया सुळेही उपस्थित होत्या. या बैठकीतल्या चर्चेची माहिती पार्थ पवार यांनी फोन करून सुनेत्रा पवार यांना दिली. साधारणतः पार्थ पवार आणि शरद पवार यांच्यात एक तास चर्चा झाली. सुनेत्रा पवार यांच्या शपथविधीची आपल्याला माहिती नव्हती, असा मुद्दा सकाळी शरद पवार यांनी आपल्या पत्रकार परिषदेत मांडला होता. त्यानंतर पार्थ पवार हे शपथविधीचे निमंत्रण घेऊन गेले होते. त्यांनी यावेळी शरद पवारांची मनधरणी केल्याचीही चर्चा आहे.
*कार्यकर्ते हवालदिल झालेत-मुश्रीफ…*
हसन मुश्रीफ म्हणाले की, ‘कार्यकर्ते हवालदिल झाले आहेत. त्यांना आधार नाही. त्यामुळे ही घाई सुरू आहे. विलीनीकरणाबद्दल माहिती नाही. मात्र, आता एकच गरजेचे आहे. सुनेत्राताईंची निवड करणे.’ दुसरीकडे आमदार चिखलीकर म्हणाले की, ‘ शरद पवारांना निमंत्रण देणे गरजेचे होते. मात्र, दोन्ही राष्ट्रवादी काँग्रेसच्या विलीनीकरणाबाबत आपल्याला माहिती नाही.
*राष्ट्रवादीचे आमदार विधानभवनाकडे…*
राष्ट्रादी काँग्रेसचे आमदार दुपारी दोन वाजता होणाऱ्या बैठकीसाठी विधानभवनाकडे रवाना झालेत. अदिती तटकरे, रूपाली चाकणकर विधानभवनात पोहचल्यात. या बैठकीनंतर सुनेत्रा पवार यांच्या निवडीचे पत्र मुख्यमंत्री देवेंद्र फडणवीस यांच्याकडे सोपवण्यात येणार आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
