डीपफेकचे व्हिडिओ(deep fake video) व्हायरल झाल्याच्या घटना गेल्या काही दिवसांपासून वारंवार समोर येत आहेत. याचा सर्वाधिक फटका बॉलिवूड कलाकारांना बसला. रश्मिका मंदान्ना, कतरिना कैफ, काजोल आणि आलिया भट्ट यांच्यानंतर आता प्रियंका चोप्रा डीपफेक व्हिडिओची शिकार झाली आहे.
हा व्हिडिओ (deep fake video)आर्टिफिशियल इंटेलिजन्सच्या मदतीने तयार करण्यात आला आहे. केंद्र सरकारने यासंदर्भात सोशल मीडिया प्लॅटफॉर्मला सूचना जारी केल्या आहेत. पण, सोशल मीडियावर व्हायरल होत असलेल्या डीपफेक व्हिडिओला तुम्ही बळी पडलात तर… अशावेळी तुम्ही काय कराल? व्हिडिओ खोल बनावट आहे का? तुला कसे माहीत? आपण शोधून काढू या.
सायबर क्राईम हेल्पलाइन…
सायबर क्राईमसोबत (Cyber Crime) कोणतीही घटना तुमच्यासोबत घडल्यास त्वरीत हेल्पलाइन क्रमांक १९३० वर कॉल करुन तक्रार नोंदवा. तसेच https://cybercrime.gov.in/ ला भेट देऊन घरी बसून ऑनलाइन तक्रार नोंदवा.
व्हिडीओ डीप फेक कसा ओळखाल?
Cyber Dost या X हॅन्डलवरुन डीपफेक व्हिडिओबाबत माहिती देण्यात आली आहे. हा व्हिडीओ ओळखताना त्वचेकडे लक्ष द्या. यामध्ये गाल आणि कपाळावर सुरकुत्या दिसतात. त्याला निरखून पाहाण्याचा प्रयत्न करा. दुसरी गोष्ट सावली आणि प्रतिबिंबांकडे लक्ष द्या. यामध्ये कोणत्याही प्रकारचा रंग दिसत नाही ना याची खात्री करा.
डीपफेक व्हिडीओ ओळखताना तिसरी गोष्ट म्हणजे चेहऱ्यावरील हावभाव तपासा, व्हिडीओ नॅचरल दिसत आहे का ते देखील तपासा. व्हिडीओमध्ये डोळे मिचकवताना दिसताय का देखील पाहा. ओठांची हालचाल, आवाज देखील तपासा असे दिसल्यास हा व्हिडीओ फेक आहे हे समजेल.
