रत्नागिरी : दोन वेगवेगळ्या अपघातांत अज्ञात वाहनांच्या धडकेत दोन बिबटे ठार झाल्याच्या घटना मंगळवारी घडल्या. तर आणखी एका बिबट्याला सार्वजनिक विहिरीतून सुखरूप बाहेर काढण्यात आले.
लांजा तालुक्यातील वाकेड-लक्ष्मी बाग येथे मुंबई-गोवा महामार्गावर पहाटे ३.३० ते ४ वाजण्याच्या सुमारास बिबट्या रस्ता ओलांडत असताना अज्ञात वाहनाने त्याला जोरदार धडक दिली. यात तो जागीच ठार झाला. मृत बिबट्याचे वय अंदाजे एक ते दीड वर्षे असून, शवविच्छेदनानंतर भांबेड येथील शासकीय नर्सरीत त्याचे दहन करण्यात आले.
दरम्यान, संगमेश्वर तालुक्यातील ढोलेवाडी येथे मंगळवारी सकाळी नर जातीचा अंदाजे पाच ते सहा महिन्यांचा बिबट्याचा बछडा मृतावस्थेत आढळला. अज्ञात वाहनाच्या धडकेने त्याचा मृत्यू झाल्याचे वनविभागाने सांगितले. असुर्डे येथील राकेश जाधव यांना हा बछडा रस्त्याच्या कडेला पडलेला दिसला. त्याचवेळी जवळच्या झुडपातून अचानक एक बिबट्या बाहेर आला व मृत बछड्याभोवती फिरू लागला.
याशिवाय, रत्नागिरी तालुक्यातील कोतवडे-बौद्धवाडी येथे सार्वजनिक विहिरीत पडलेल्या बिबट्याला वनविभागाच्या पथकाने अवघ्या १५ मिनिटांत सुरक्षितरित्या जेरबंद केले. सुमारे ९ ते १० वर्षांचा नर बिबट्या शेडनेट घातलेल्या विहिरीत भक्ष्याच्या मागावर असताना पडल्याचा अंदाज व्यक्त करण्यात येतो. त्याला सुरक्षितपणे नैसर्गिक अधिवासात सोडण्यात आले.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️
*अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी https://chat.whatsapp.com/Fz2GJdNzxjp7ru6fTzARHp?mode=ems_copy_t कम्युनिटी लिंक मध्ये सामील व्हा*
*आपल्याला प्रतिनिधी बनायचे असल्यास , बातम्या पाठवायच्या असल्यास किंवा आपल्यावर अन्याय होत असल्यास आम्ही आपल्या पाठीशी उभे राहू आम्हाला 8928622416 मोबाईल नंबर वर कॉन्टॅक्ट करा व माहिती द्या..*
*“जनशक्तीचा दबाव न्यूज”च्या बातम्या मिळविण्यासाठी 7400104268 आणि 8928622416 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.*
*मराठी बातम्या, ब्रेकिंग न्यूज मराठीत सर्वात आधी janshakticha dabav वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट janshaktichadabav.com वर नक्कीच व्हिजिट करा…*
