‘पोक्सो’ कायद्यांतर्गत दुसरा गुन्हा; चिपळूणमध्ये मायक्रो फायनान्स कंपनीच्या कर्मचाऱ्याला अटक….
*चिपळूण:-* शहरात अवघ्या दोन दिवसांच्या कालावधीत ‘पोक्सो’ कायद्याअंतर्गत दुसरा गुन्हा दाखल झाल्याने कायदा आणि सुव्यवस्थेचा प्रश्न गंभीर बनला आहे. मायक्रो फायनान्स कंपनीच्या एका कर्मचाऱ्याने कर्ज वसुलीच्या निमित्ताने झालेल्या ओळखीचा गैरफायदा घेत अल्पवयीन युवतीवर अत्याचार केल्याची संतापजनक घटना उघडकीस आली आहे. या प्रकरणी पोलिसांनी आरोपीला तत्काळ अटक केली असून खेड न्यायालयाने त्याला न्यायालयीन कोठडी सुनावली आहे.
आदित्य समीर बने (वय २५, रा. रत्नागिरी) असे अटक करण्यात आलेल्या आरोपीचे नाव आहे. आदित्य हा शहरातील एका मायक्रो फायनान्स कंपनीत कर्ज वसुलीचे काम करत होता. पीडित मुलीच्या आईने याच कंपनीतून कर्ज घेतले होते. कर्ज वसुलीच्या निमित्ताने आदित्यचे पीडितेच्या घरी वारंवार येणे-जाणे होते.
याच ओळखीतून त्याने अल्पवयीन मुलीवर वारंवार अत्याचार केल्याचे उघड झाले आहे. हा प्रकार समोर आल्यानंतर आरोपी आदित्य बने याच्यावर ‘पोक्सो’ कायद्यासह अनुसूचित जाती व जमाती अत्याचार प्रतिबंधक कायद्याअंतर्गत (ऍट्रॉसिटी) गुन्हा दाखल करण्यात आला आहे.
यापूर्वी बुधवारी चिपळूणमध्ये विद्यार्थ्यांना शाळा आणि महाविद्यालयात ने-आण करणाऱ्या व्हॅनचा चालक वहाब वावेकर याने एका विद्यार्थिनीचा विनयभंग केल्याची संतापजनक घटना उघडकीस आली होती. त्या प्रकरणीही ‘पोक्सो’ कायद्याअंतर्गत गुन्हा दाखल करून त्याला अटक करण्यात आली होती. एकापाठोपाठ घडलेल्या या दोन्ही गंभीर गुन्ह्यांमुळे संपूर्ण चिपळूण शहरात तीव्र संतापाची भावना पसरली असून पालकांमध्ये चिंतेचे वातावरण आहे. समाजातील प्रतिष्ठित समजल्या जाणाऱ्या व्यक्तींकडूनच असे घृणास्पद कृत्य घडत असल्याने नागरिकांनी संताप व्यक्त केला आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️
*अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी https://chat.whatsapp.com/Fz2GJdNzxjp7ru6fTzARHp?mode=ems_copy_t कम्युनिटी लिंक मध्ये सामील व्हा*
*आपल्याला प्रतिनिधी बनायचे असल्यास , बातम्या पाठवायच्या असल्यास किंवा आपल्यावर अन्याय होत असल्यास आम्ही आपल्या पाठीशी उभे राहू आम्हाला 8928622416 मोबाईल नंबर वर कॉन्टॅक्ट करा व माहिती द्या..*
*“जनशक्तीचा दबाव न्यूज”च्या बातम्या मिळविण्यासाठी 7400104268 आणि 8928622416 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.*
*मराठी बातम्या, ब्रेकिंग न्यूज मराठीत सर्वात आधी janshakticha dabav वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट janshaktichadabav.com वर नक्कीच व्हिजिट करा…*
