*मुंबई-* ठाणे येथील दिवा परिसरात भटक्या कुत्र्याने केलेल्या हल्ल्यात दोन वर्षाची चिमुकली गंभीर जखमी झाली आहे. शुक्रवारी संध्याकाळी साडेपाच वाजण्याच्या सुमारास काळुबाई बिल्डिंग, विकास म्हात्रे गेट परिसरात दोन वर्षांची वेदा विकास काजारे ही चालत असताना एका भटक्या कुत्र्याने अचानक तिच्यावर मागून हल्ला केला. या हल्ल्यात चिमुकली वेदा गंभीर जखमी झाली असून तिच्यावर तातडीने उपचार सुरू करण्यात आले आहेत. या घटनेनंतर परिसरात भीतीचे आणि संतापाचे वातावरण निर्माण झाले आहे. परिसरातील नागरिकांनी महापालिका प्रशासनाच्या निष्क्रियतेवर तीव्र नाराजी व्यक्त केली आहे.
शिवसेना (उद्धव बाळासाहेब ठाकरे) पक्षाचे कल्याण ग्रामीण विधानसभा प्रमुख अॅड. रोहिदास मुंडे यांनी या घटनेचा तीव्र निषेध केला. “दिवा विभागात भटक्या कुत्र्यांची संख्या नियंत्रणाबाहेर गेली आहे. नागरिकांनी अनेकदा तक्रारी करूनही महापालिकेने ठोस पावले उचललेली नाहीत. निष्पाप लहान मुलीला इतक्या गंभीर स्वरूपात जखमी करूनही प्रशासन शांत बसले आहे, असा आरोप त्यांनी केला. मुंडे पुढे म्हणाले, “जर महापालिकेने तात्काळ भटके कुत्रे पकडण्याची आणि त्यांच्यावर योग्य प्रक्रिया राबवण्याची कार्यवाही केली नाही, तर नागरिकांच्या सुरक्षेसाठी परिसरातील सर्व भटके कुत्रे गोळा करून थेट महापालिका कार्यालयात सोडले जातील, असा इशारा त्यांनी दिला.
या घटनेमुळे स्थानिक पातळीवर प्रशासनाविरुद्ध रोष अधिक वाढला आहे. नागरिकांनी पालिकेने लवकरात लवकर ठोस उपाययोजना करावी, अशी मागणी केली आहे. लहान मुले आणि ज्येष्ठ नागरिकांच्या सुरक्षेचा प्रश्न गंभीर बनला असून, पालिकेच्या निष्क्रियतेमुळे भविष्यात आणखी मोठे अनर्थ होऊ नयेत यासाठी तातडीने कारवाई होणे गरजेचे असल्याचे मत स्थानिकांनी व्यक्त केले आहे.
या घटनेने पुन्हा एकदा शहरातील भटक्या कुत्र्यांच्या समस्येकडे लक्ष वेधले आहे. नागरिकांना सुरक्षित वातावरण देण्यासाठी ठाणे महापालिकेने यापुढे ठोस आणि दीर्घकालीन उपाययोजना कराव्यात, अशी सर्वसामान्यांची मागणी आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
▪️▪️▪️▪️▪️▪️▪️▪️▪️▪️▪️▪️▪️▪️▪️▪️
*अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी https://chat.whatsapp.com/Fz2GJdNzxjp7ru6fTzARHp?mode=ems_copy_t कम्युनिटी लिंक मध्ये सामील व्हा*
*आपल्याला प्रतिनिधी बनायचे असल्यास , बातम्या पाठवायच्या असल्यास किंवा आपल्यावर अन्याय होत असल्यास आम्ही आपल्या पाठीशी उभे राहू आम्हाला 8928622416 मोबाईल नंबर वर कॉन्टॅक्ट करा व माहिती द्या..*
*“जनशक्तीचा दबाव न्यूज”च्या बातम्या मिळविण्यासाठी 7400104268 आणि 8928622416 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.*
*मराठी बातम्या, ब्रेकिंग न्यूज मराठीत सर्वात आधी janshakticha dabav वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट janshaktichadabav.com वर नक्कीच व्हिजिट करा…*
