मुंबई- उद्योगपती मुकेश अंबानी यांना धमकीचे ईमेल पाठवल्याप्रकरणी तेलंगणातील 19 वर्षाच्या तरुणाला शनिवारी पहाटे मुंबई पोलिसांनी अटक केली आहे. पोलिसांनी आरोपीची ओळख गणेश रमेश वनपारधी असे केली असून त्याला 8 नोव्हेंबरपर्यंत पोलीस कोठडी सुनावण्यात आली आहे.
देशातील सर्वात श्रीमंत व्यक्ती आणि उद्योगपती मुकेश अंबानी यांना सातत्याने धमक्या येत आहेत. वृत्तानुसार, अंबानींच्या मेल आयडीवर 31 ऑक्टोबर आणि 1 नोव्हेंबर रोजी एक ई-मेल आला होता. यामध्ये 400 कोटी रुपयांची मागणी करण्यात आली होती. मागण्या पूर्ण न केल्यास जीवे मारण्याची धमकी दिली आहे. असे पाच ई-मेल आठवडाभरात त्यांना आले आहेत. सर्व धमक्या एकाच मेल आयडीवरून आल्याची माहिती पोलिसांनी दिली आहे. यापूर्वी मुकेश अंबानी यांना 27, 28 ऑक्टोबर आणि 30 ऑक्टोबरला धमक्या आल्या होत्या.
देशातील सर्वात श्रीमंत व्यक्ती आणि उद्योगपती मुकेश अंबानी यांना पुन्हा जीवे मारण्याची धमकी मिळाली आहे. या आधी 27 आणि 28 ऑक्टोबरला धमक्या मिळाल्यानंतर मुकेश अंबानींना सोमवार 30 ऑक्टोबरला पुन्हा धमकी मिळाली होती. त्या वेळी गामदेवी पोलिसांनी सांगितले की, सोमवारी सकाळी मुकेश अंबानी यांना त्यांच्या कंपनीच्या मेल आयडीवर एक ई-मेल आला. यामध्ये 400 कोटी रुपयांची मागणी करण्यात आली आहे. मागण्या पूर्ण न केल्यास जीवे मारण्याची धमकी दिली असल्याचे सांगण्यात आले होते.
शुक्रवार 27 ऑक्टोबर रोजी संध्याकाळी याच मेलवर 20 कोटी रुपयांची मागणी करण्यात आली होती आणि शनिवारी 28 ऑक्टोबर रोजी 200 कोटी रुपयांची मागणी करण्यात आली होती. देशाच्या सर्वोत्तम नेमबाजांकडून त्यांना मारले जाईल, असे मेलमध्ये म्हटले होते. पोलिसांनी दिलेल्या माहितीनुसार, त्याच अकाउंटवरून आलेल्या मेलमध्ये ‘आमच्या ईमेलला कोणतेही उत्तर आलेले नाही, त्यामुळे आता ही रक्कम 200 कोटी रुपये आहे, जर ती मिळाली नाही तर डेथ वॉरंटवर स्वाक्षरी करा,’ असे लिहिले आहे. यापूर्वी 27 ऑक्टोबर रोजी पाठवलेल्या पहिल्या धमकीच्या ईमेलमध्ये ‘तुम्ही आम्हाला 20 कोटी रुपये दिले नाहीत तर आम्ही तुम्हाला मारून टाकू, आमच्याकडे भारतातील सर्वोत्तम नेमबाज आहेत’, असे लिहिले होते.
अंबानींना यापूर्वीही अनेकदा धमक्या आल्या आहेत.
10 जानेवारी 2023 रोजी मुंबईतील धीरूभाई अंबानी इंटरनॅशनल स्कूलला बॉम्बची धमकी देण्यात आली होती. मुंबई पोलिसांनी सांगितले होते की, शाळेच्या लँडलाइनवर दुपारी 4.30 वाजता कॉल आला होता. फोन करणाऱ्याने शाळेत टाईम बॉम्ब ठेवल्याचा दावा केला होता. यानंतर फोन कट झाला.
5 ऑक्टोबर 2022 रोजी रिलायन्स फाउंडेशन हॉस्पिटलला बॉम्बची धमकी मिळाली. हॉस्पिटलच्या लँडलाइन नंबरवर अज्ञात व्यक्तीकडून दोनदा कॉल आला, ज्यामध्ये कॉलरने अंबानी कुटुंबाला जीवे मारण्याची धमकी दिली. पहिला कॉल दुपारी एकच्या सुमारास आला आणि दुसरा कॉल पाच वाजता आला. यानंतर हॉस्पिटल आणि अँटिलिया (मुकेश अंबानींचे घर) ची सुरक्षा वाढवण्यात आली.
15 ऑगस्ट 2022 रोजीही मुकेश अंबानी यांच्या कुटुंबीयांना जीवे मारण्याच्या धमक्या आल्या होत्या. मुंबई पोलिसांनी दिलेल्या माहितीनुसार, रिलायन्स फाउंडेशन हॉस्पिटलच्या डिस्प्ले नंबरवर धमकीचे फोन आले होते. फोन करणाऱ्याने तीन तासांत त्याचे संपूर्ण कुटुंब उद्ध्वस्त केले जाईल, अशी धमकी दिली. याप्रकरणी पोलिसांनी एका व्यक्तीला अटक केली होती.
फेब्रुवारी २०२१ मध्ये अँटिलियाजवळ स्फोटकांनी भरलेली कार सापडली होती
फेब्रुवारी 2021 मध्ये, स्फोटकांनी भरलेली SUV अँटिलियाच्या बाहेरून जप्त करण्यात आली होती, ज्यामध्ये 20 जिलेटिनच्या काठ्या आणि एक पत्र सापडले होते. पत्रात मुकेश अंबानी आणि त्यांच्या पत्नी नीता अंबानी यांना धमकी देण्यात आली होती. या प्रकरणात मुंबई पोलिसांचा एन्काउंटर स्पेशालिस्ट सचिन वाढे याचे नाव पुढे आले होते. सध्या NIA या प्रकरणाचा तपास करत आहे.
