संगमेश्वर (प्रतिनिधी)- नावडी येथील भंडारवाडा गावचे सुप्रसिद्ध सामाजिक कार्यकर्ते, श्री निनावी देवी प्रासादिक मंडळाचे अध्यक्ष तथा मानकरी श्री. दत्ताराम किसन उर्फ बावा सुर्वे यांचा नुकताच भव्य सत्कार करण्यात आला. श्रीकृष्ण जयंती आणि दहिहंडी गोपाळकाला उत्सवाच्या निमित्ताने आयोजित दिंडी दरम्यान, स्थानिक श्री देव गणपती मंदिरामध्ये हा सोहळा पार पडला. श्री गजानन प्रासादिक मंडळाच्या वतीने ज्येष्ठ नागरिक श्री. विनायक पाथरे यांच्या शुभहस्ते शाल, श्रीफळ, पुष्पगुच्छ आणि विणेला पुष्पहार अर्पण करून दत्ताराम सुर्वे यांचा यथोचित सन्मान करण्यात आला.
श्री. दत्ताराम सुर्वे यांचे वडील कै. किसन सुर्वे यांच्या पश्चात त्यांनी आपली कौटुंबिक धार्मिक व सामाजिक कार्याची परंपरा अखंडपणे सुरू ठेवली आहे. त्यांच्या या अविरत सेवेला आता ३९ वर्षे पूर्ण होत असून, समाजाने घेतलेल्या या दखलीमुळे आणि झालेल्या सत्काराने संपूर्ण समाजबांधवांमध्ये आनंदाचे वातावरण आहे.
या मंगलप्रसंगी श्री गजानन प्रासादिक मंडळाचे सदस्य दादू भिंगार्डे, संतोष खातू, राजाभाई यांच्यासह अनेक कार्यकर्ते उपस्थित होते. तसेच श्री निनावी देवी प्रासादिक मंडळाचे पदाधिकारी व सदस्य संतोष सुर्वे, भाई रहाटे, जनार्दन शिरगावकर, विनय मुरकर, प्रमोद सुर्वे, मनिष सुर्वे, अशोक रहाटे, सुभाष अंब्रे, गौरव सुर्वे, मनोहर रहाटे, बब्याशेठ सुर्वे, अमोल शिवलकर, प्रसाद चिचकर, जयेश अंब्रे आदी मान्यवर उपस्थित होते. या सोहळ्याला भंडारवाडा परिसरातील भंडारी, तेली व नाभिक ज्ञाती बांधव, मित्रमंडळ आणि तरुण वर्ग मोठ्या संख्येने उपस्थित होता.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
