*उपमुख्यमंत्री अजित पवारांच्या विमानाला अपघात झाला आहे. बारामतीत लँडिंगदरम्यान हा अपघात झाल्याची माहिती मिळत आहे. या विमानात काही जण असल्याची माहिती समोर येत आहे.*
*बारामती-* राज्याचे उपमुख्यमंत्री अजित पवार यांच्या विमानाला भीषण अपघात झाला आहे. बारामती विमानतळावर उतरत असताना हा अपघात झाल्याची धक्कादायक घटना समोर आली आहे. जिल्हा परिषद निवडणुकीच्या प्रचारासाठी अजित पवार मुंबईहून बारामतीला जात असताना हा अपघात घडला. या विमानातील काही जण गंभीर जखमी झाले आहेत.
मिळालेल्या प्राथमिक माहितीनुसार, अजित पवार आज सकाळी मुंबईहून विशेष विमानाने बारामतीकडे रवाना झाले होते. मात्र अचानक तांत्रिक बिघाड झाल्याने विमानाला अपघात झाला आहे. हा अपघात मोठा आग लागली आहे. विमान जळून खाक झाले आहे. तरी, विमानातील काही कर्मचारी आणि सुरक्षा रक्षकांना गंभीर जखमी झाल्याची माहिती सूत्रांनी दिली आहे.
राज्यात सध्या जिल्हा परिषद निवडणुकीचे वारे वाहत असून, अजित पवार यांच्या आज बारामतीत ठिकठिकाणी प्रचार सभा आयोजित करण्यात आल्या आहेत. या सभेला संबोधित करण्यासाठी ते मुंबईहून निघाले होते. या घटनेमुळे काही काळ परिसरात चिंतेचे वातावरण पसरले आहे.
विमानाच्या अपघाताचे नेमके कारण काय होते? लँडिंगमध्ये तांत्रिक दोष होता का, याचा तपास नागरी विमान वाहतूक संचालनालयाकडून (DGCA) केला जाण्याची शक्यता आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
