चिपळूण : प्रतिनिधी चिपळूण; पार्टटाईम जॉब करून पैसे
कमावता येतील असे आमीष दाखवून येथील तरुणाची १३ लाख १५ हजार ५३४ रुपयांची फसवणूक केल्याची घटना मार्च महिन्यात घडली आहे. याप्रकरणी दोघांवर येथील पोलीस स्थानकात गुन्हा दाखल करण्यात आला आहे. गॅरी वॉशिंग्टन व अंकूर (पूर्ण नावे, गावे माहिती नाहीत अशी गुन्हा दाखल झालेल्यांची नावे आहेत. याबाबतची फिर्याद निखिल रमाकांत शिंदे (३०, ) यांनी दिली आहे. पोलिसांनी माहितीनुसार निखिल शिंदे ५ मार्च रोजी सकाळी गॅरी वॉशिंग्टन व अंकुर या अज्ञातांनी पार्टटाईम जॉब करून पैसे कमावता येतील असे आमीष दाखवत शिंदे याच्याकडून एकूण १३ लाख १५ हजार ५३४ रुपये गॅरी वॉशिंग्टन व अंकुर यांनी दिलेल्या वेगवेगळ्या बँक खात्यावर व युपीआडीवर निखिल याने त्याच्या बँक खात्यातून ऑनलाईन पैसे ट्रान्सफर करून घेतले. गॅरी वॉशिंग्टन व अंकुर यांनी निखिल याला त्याचे पैसे परत न देता फसवणूक केली. हा प्रकार निखिल याच्या लक्षात आल्यानंतर त्याने चिपळूण पोलीस स्थानकात फिर्याद दिली.
मराठी बातम्या, ब्रेकिंग न्यूज मराठीत सर्वात आधी जणशक्तीचा दबावर. आजच्या ताज्या बातम्या, लाइव्ह न्यूज अपडेट, सर्वात आधी वाचा मराठी न्यूज वेबसाइट जनशक्तीचा दबावर.
भारत सरकार मान्यताप्राप्त वृत्तपत्र RNINO.MAHMAR2014/59698
दबाव जनशक्तीचा ……निर्धार लोकशाहीच्या सन्मानाचा
