🟠 ३० एप्रिलपर्यंत भाजपात पक्षप्रवेशाचा कार्यक्रम

Spread the love

▶️ विचारधारा ज्यांना मान्य आहे त्यांचा पक्षात प्रवेश – बावनकुळेंचं सूचक विधान

नवी दिल्ली ,18 एप्रिल
चंद्रशेखर बावनकुळे दिल्ली दौऱ्यावर आहेत. भाजपाच्या ३० एप्रिलच्या मन की बातपर्यंत राज्यातील २५ लाखाच्यावर कार्यकर्त्यांचा पक्षप्रवेश कार्यक्रम होणार आहे. एप्रिल हा संपूर्ण महिना पक्षप्रवेशाचा आहे, असे बावनकुळे म्हणाले.

माध्यमांशी बोलताना बावनकुळे म्हणाले की, १ लाख बूथवर आमचे कार्यकर्ते काम करत आहेत. राज्यातील ७०० पदाधिकारी बूथवर जात आहेत. आम्ही २५ लाख बूथ कार्यकर्त्यांचा पक्षप्रवेश करणार आहे. मात्र सध्या चर्चेत असलेल्या मोठ्या पक्षप्रवेशाबाबत मी बोलणार नाही. परंतु पक्षात कोणीही आले तरी त्यांना स्थान आहे. भाजपाची विचारधारा ज्यांना मान्य आहे, त्यांनी पक्षात प्रवेश केला तर त्याला कुणाची हरकत नाही असं त्यांनी सांगितले आहे. तसेच भाजपात विचारधारेचा मुद्दा आहे. आमचे पहिले कर्तव्य देशासाठी तडजोड नाही. देव, देश, धर्म, संस्कृती यासाठी आम्ही काम करतो. कालपर्यंत कोणी कोणत्या विचारधारेवर काम करत असेल तर ते माहिती नाही. परंतु आमच्या पक्षात आल्यानंतर विचारधारेवर काम करावे लागते. आमच्या पक्षात कुणी आले तरी विचारधारेशी सहमत झाला तर आमची कुणाची हरकत नाही असंही चंद्रशेखर बावनकुळे यांनी स्पष्ट केले.

अजित पवारांबद्दल मला काही माहिती नाही. अजितदादांच्या भूमिकेवर मी प्रश्नचिन्ह उपस्थित करणे योग्य नाही. राजकारणात चर्चा खूप होतात, पण जर-तर याला अर्थ नसतो. अजित पवारांनी भाषण का दिले नाही हे मविआने ठरवावे असंही बावनकुळे म्हणाले.