🟠 मुख्यमंत्री एकनाथ शिंदेंची कुटुंबियांसह पंतप्रधान नरेंद्र मोदीची भेट …. ▶️ चर्चेबाबत दिली माहिती…..

Spread the love

नवी दिल्ली ,22 जुलै –
महाराष्ट्राचे मुख्यमंत्री एकनाथ शिंदे यांनी आपल्या कुटुंबीयांसह देशाचे पंतप्रधान नरेंद्र मोदी यांची आज दिल्लीत जाऊन भेट घेतली. यावेळी एकनाथ शिंदे आणि नरेंद्र मोदी यांच्यात विविध विषयांवर चर्चा झाली. या भेटीबाबत बोलताना एकनाथ शिंदे म्हणाले की, ही केवळ सदिच्छा भेट होती. या भेटीत राज्यातील विकास कामांवर चर्चा झाली. राजकारणावर कोणतीही चर्चा झाली नाही.

या भेटीबाबत बोलताना शिंदे म्हणाले, पंतप्रधानांनी आम्हाला खूप वेळ दिला. याबद्दल मी त्यांचे आभार मानू इच्छतो. या भेटीत पावसाची परिस्थिती, इर्शाळवाडी दुर्घटना, राज्यात सुरू असलेले प्रकल्प आणि मुंबईतील पुनर्विकास प्रकल्पांवर चर्चा झाली. तसेच इर्शाळवाडी दुर्घटनाग्रस्त रहिवाशांचे पुनर्वसन केले पाहिजे. त्यांना युद्धपातळीवर घरे देण्याच्या सूचना केल्या आहेत. दरडप्रवण क्षेत्रातील लोकांना सुरक्षित स्थळी हलवण्याचा निर्णय घेतला आहे. काहींचे स्थलांतर केले आहे. पण काही लोक जायला तयार नाहीत, असेही मुख्यमंत्री एकनाथ शिंदे यांनी म्हटले आहे.