🛑🛑रिफायनरी समर्थन मोर्चाकडे शिंदेगटाची पाठ; भाजप एकाकी पडल्याचे चित्र

Spread the love

ऱाजापूर (प्रतिनिधी)- बारसू येथील प्रस्तावित रिफायनरी प्रकल्पासाठी राज्यातील सत्तेतील शिंदेगट जोरदार आग्रही असतानाच शनिवारी रिफायनरी समर्थनार्थ आयोजीत मोर्च्यात मात्र किरकोळ अपवाद वगळता तालुक्यातील शिंदेगटातील पदाधिकाऱ्यान्नी पाठ फिरविल्याने भाजप एकाकी पडल्याचे चित्र पहावयास मिळाले .

बारसू येथील प्रस्तावित रिफायनरी प्रकल्पावरुन गेल्या काही दिवसांपासुन रणकंदन सुरु आहे.बारसू येथे सध्या माती परीक्षणाचे काम सुरु आहे यापुर्वी ते काम बंद पाडण्यासाठी मोठे आंदोलन झाले होते.तर बारसुच्या विरोधासाठीशिवसेना ठाकरे गटाचे पक्षप्रमुख ,माजी मुख्यमंत्री उध्दव ठाकरे देखील बारसूच्या आंदोलकान्ना भेटण्यासाठी येणार असल्याचे जाहीर झाले होते त्यामुळे रिफायनरी विरोधाची बाजू सातत्याने पुढे येत असतानाच समर्थनाची तेवढ्याच सक्षमपणे बाजू पुढे येत नव्हती त्यामुळे माजी खासदार निलेश राणे कणकवलीचे आमदार नितेश राणे माजी आमदार प्रमोद जठार राजन तेली आदीन्नी प्रकल्प समर्थनार्थ राजापूरात मोर्चा काढण्याचे निश्चीत केले.

राज्यातील सत्तेत असलेले शिंदे गट देखील बारसूला रिफायनरी व्हावी म्हणून जोरदार आग्रही असतानाच त्या गटाचे नेते आणि जिल्ह्याचे पालकमंत्री उदय सामंत यांच्याकडे उद्योग मंत्रालय असल्याने ते देखील रिफायनरीसाठी जोरदार आग्रही असल्याने बारसूच्या समर्थनार्थ समर्थकांची तेवढीच शक्तीशाली बाजुचे प्रदर्शन पहावयास मिळेल अशी सर्वांची धारणा होती. मात्र प्रत्यक्षात जेव्हा समर्थकांचा मोर्चा निघाला तेव्हा किरकोळ वगळता शिंदे गटाचे कार्यकर्ते रिफायनरी समर्थक यान्नी त्याकडे पाठ फिरविल्याचे चित्र पहावयास मिळाले . त्यामुळे भाजप एकाकी पडल्याचे दिसुन आले .

वास्तविक पहाता राज्यातील शिंदे फडणवीस सरकार बारसूचा मुद्दा मार्गी लावण्यासाठी आग्रही असतानाच प्रकल्प समर्थनाच्या मोर्च्यालाच शिंदे गटातील फुटकळ कार्यकर्ते उपस्थीत राहिल्याने अंतर्गत राजकारण तर शिजत नाही ना असा वास आता बाहेर येवू लागला आहे. त्यामुळे समर्थनाच्या मोर्च्याच्या दिवशी भाजप एकांकी पडल्याचे दिसुन आले भाजपांतर्गत देखील कुजबुज ऐकायला मिळाली शिवसेनेतील संघर्षानंतर सेना फुटुन त्यातुन एकनाथ शिंदे ४० पक्षाचे व दहा अपक्ष आमदार घेवुन बाहेर पडल्यानंतर शिंदे गटात राज्यभरातुन इनकमिंग सुरु होते राजापूर तालुक्यात सुध्दा ते पहायला मिळाले मात्र त्या मानाने कार्यकर्ते समर्थनाच्या मोर्च्याला दिसले नाहीत त्यामुळे चर्चा ऐकायला मिळत आहेत.