🔴 तिहार जेलमध्ये कुख्यात गुंड टिल्लू ताजपुरियाची कारागृहात हत्या

Spread the love

नवी दिल्ली, 02 मे-
कुख्यात गँगस्टर टिल्लू ताजपुरिया याच्यावर दिल्लीच्या तिहार कारागृहात जीवघेणा हल्ला करण्यात आला आहे. तुरुंगात झालेल्या टोळीयुद्धात त्याच्यावर लोखंडी हत्याराने जीवघेणा हल्ला करण्यात आला. यात तो गंभीर जखमी झाल्याने त्याला दीनदयाळ रुग्णालयात दाखल करण्यात आले. मात्र, त्याचा उपचारादरम्यान मृत्यू झाला. कारागृह क्रमांक ८ मध्ये बंद असलेल्या योगेश टुंडा नावाच्या कैद्याने तुरुंग क्रमांक ९ मध्ये बंद असलेल्या टिल्लूवर लोखंडी सळीने हल्ला केला आहे.

पश्चिम विभागाचे अतिरिक्त डीसीपी यांनी दिलेल्या माहितीनुसार ही घटना आज सकाळी ७ वाजता तिहार तुरुंगातून घडली. डीडीयू रुग्णालयात आणलेल्या दोन अंडरट्रायल कैद्यांपैकी एक सुनील उर्फ टिल्लूहा बेशुद्धावस्थेत होता. डॉक्टरांनी त्याला तपासले असता, त्याला मृत घोषित करण्यात आले. तर दूसरा जखमी कैदी रोहितवर याच्यावर उपचार सुरू असून त्याची प्रकृती स्थिर आहे. महिनाभरात तिहार जेलमध्ये आणखी एका गुंडाचा मृत्यू झाला आहे. गोगीच्या हत्येचा बदला म्हणून टिल्लूच्या या हत्येकडे पाहिले जात आहे.