नवी दिल्ली-“आज पंतप्रधान नरेंद्र मोदी यांची सदिच्छा भेट घेतली. यावेळी माझं संपूर्ण कुटुंब यावेळी माझ्यासोबत होतं. पंतप्रधानांना भेटल्याचं आनंद आणि समाधान वडिलांच्या चेहऱ्यावर होतं. पतंप्रधानांनी नातवासोबतही खूप गप्पा मारल्या,” अशी माहिती मुख्यमंत्री एकनाथ शिंदे यांनी दिली. मुख्यमंत्र्यांनी आज राजधानी दिल्लीत पंतप्रधानांच्या निवासस्थानी जाऊन त्यांची भेट घेतली. या भेटीनंतर त्यांनी माध्यमांना याविषयी माहिती दिली. पंतप्रधानांनी भेटीसाठी जास्त वेळ दिला होता. त्यासाठी त्यांचे आभार. चांगली चर्चा भेटीदरम्यान झाली, असंही एकनाथ शिंदे म्हणाले.
या भेटीत पंतप्रधानांना इर्शाळवाडी दरड दुर्घटना, राज्यातील पावसाची स्थिती, रखडलेले प्रकल्पांची माहिती दिली. यावेळी पंतप्रधांनांनी रडखडेले प्रकल्प मार्गी लावण्यासाठी मदत करण्याचे आश्वासन मोदींनी दिल्याचं एकनाथ शिंदे यांनी दिली. या बैठकीत मुंबईतील धारावी प्रकल्पावरही चर्चा झाल्याचं मुख्यमंत्री एकनाथ शिंदे यांनी दिली. एकनाथ शिंदे सकाळी साडेअकराच्या सुमारास पंतप्रधानांच्या भेटीसाठी पोहोचले होते. जवळपास दोन ते सव्वादोन तासांची ही भेट होती. दुपारी अमित शाह यांचीही कुटुंबासह भेट घेणार असल्याचं एकनाथ शिंदे यांनी सांगितलं.