तब्बल 100 वर्षांनंतर होळीच्या दिवशी चंद्रग्रहणाचा योगायोग घडला आहे. ज्योतिषशास्त्रीय गणनेनुसार वर्षातील पहिलं चंद्रग्रहण होळीच्या दिवशी म्हणजेच आज होणार आहे. तब्बल 100 वर्षांनंतर होळीच्या दिवशी चंद्रग्रहणाचा योगायोग; हे ग्रहण भारतात दिसणार की नाही?
नवी दिल्ली- : आज होळीचा सण साजरा केला जाणार आहे. मात्र यावेळी होळीवर चंद्रग्रहणाचं सावट आहे. मात्र, हे चंद्रग्रहण भारतात दिसणार नाही. तब्बल 100 वर्षांनंतर होळीच्या दिवशी चंद्रग्रहणाचा योगायोग घडल्याचं ज्योतिषी सांगतात. चंद्रग्रहण ही खगोलीय घटना असली तरी ज्योतिषांच्या दृष्टिकोनातूनही ती महत्त्वाची मानली जाते.
चंद्रग्रहणाचा एकापेक्षा जास्त देशांवर परिणाम : ज्योतिषी आचार्य दैवज्ञ कृष्ण शास्त्री यांनी सांगितलं की, 25 मार्च रोजी सकाळी 8 च्या सुमारास चंद्र आणि केतूचा गूढ संयोग तयार होईल. हा एक विशेष योग आहे. साधारणपणे, चंद्रग्रहणाच्या वेळी त्याची निर्मिती होण्याची शक्यता असते. परंतु चंद्रग्रहण प्रत्येक पौर्णिमेला होत नाही. त्याचप्रमाणे, हा रहस्यमय संयोग प्रत्येक पौर्णिमेला होत नाही. त्याचा परिणाम निश्चित आहे. जरी ते मेदिनी ज्योतिषाशी अधिक संबंधित असलं तरी, या गूढ संयोजनामुळं शेअर बाजारात अनिश्चितता निर्माण होईल. तसंच जनता आणि सरकार यांच्यात मतभेद निर्माण होण्याची शक्यता आहे. सत्ताधारी आणि विरोधकांमध्ये वाद होईल. त्याचा परिणाम एकापेक्षा जास्त देशांवर दिसून येईल.
ग्रहणाची वेळ सकाळी 10.30 ते दुपारी 3.02 पर्यंत : तसंच हे ग्रहण कन्या राशीमध्ये तयार होत आहे. ज्यामुळं मंगळ आणि शनि सहाव्या भावात आहेत. सूर्य शुक्रासोबत असून सातव्या भावात राहू बुधासोबत आणि आठव्या भावात गुरु मेष राशीत आहे. हा योग फार शुभ परिणाम दर्शवत नाही. कोणतीही धार्मिक संघटनाही कृतीत येऊ शकते. ज्योतिषांनी सांगितलं की, 25 मार्चला देशात होळी साजरी होणार आहे. मात्र हे ग्रहण भारतात दिसणार नाही. ते म्हणाले की या ग्रहणाचा कालावधी अंदाजे 4 तास 36 मिनिटांचा असल्याचं मानलं जातं. चंद्रग्रहणाची वेळ सकाळी 10.30 ते दुपारी 3.02 पर्यंत असेल. हे चंद्रग्रहण आर्क्टिक महासागरासह ईशान्य आशिया, युरोप, ऑस्ट्रेलिया, अमेरिका, जपान, रशिया, आयर्लंड, इंग्लंड, स्पेन, पोर्तुगाल, इटली या देशांमध्ये दिसणार आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
